बारा, १७ वैशाख । सरकारले संसद् अधिवेशन अन्त्य गरी एकैपटक ६ वटा अध्यादेश जारी गर्न सिफारिस गरेपछि राष्ट्रपति रामचन्द्र पौडेलले यसमा देखिएका कानुनी र संवैधानिक जटिलता सुल्झाउन सक्रियता देखाएका छन्।
सिफारिस गरिएका अध्यादेशहरूका विषयमा छलफल गर्न राष्ट्रपतिले आज दिउँसो ४ बजे शीतल निवासमा संविधानविद् तथा कानुनविद्हरूलाई परामर्शका लागि बोलाएका छन्।
संविधानविद्हरूसँगको यो गहन परामर्शपछि मात्र राष्ट्रपतिले यी अध्यादेशहरू प्रमाणीकरण गर्ने वा रोक्ने भन्नेबारे अन्तिम निर्णय लिने बुझिएको छ।
प्रतिक्रिया लेख्नुहोस्
