पर्सामा २०७ केजी लागूऔषध गाँजासहित पिकअप र चालक पक्राउ -

वीरगञ्ज, २० साउन। जिल्ला प्रहरी कार्यालय पर्साले विशेष सूचनाको आधारमा ठूलो परिमाणमा लागूऔषध गाँजा बरामद गर्दै एक जनालाई पक्राउ गरेको छ।

प्रहरीका अनुसार हिजो राति करिब साढे ६ बजे पर्साको बिन्दवासिनी गाउँपालिका–५ स्थित सडकखण्डमा चेकजाँचका क्रममा प्रदेश ३–०१–०२४ च ५३८५ नम्बरको टाटा योद्धा पिकअप रोकी जाँच गर्दा सिमेन्टको बोराभित्र लुकाई छिपाई राखिएको २०७ किलोग्राम लागूऔषध गाँजा बरामद गरिएको हो।