बारा, २८ भदौ । बाराको जितपुर सिमरा उपमहानगरपालिका वडा नं. ५, बकुलिया टोलबाट एकै परिवारका तीन बालबालिका एकाएक हराएका छन्।
भारत घर भई हाल बकुलिया टोलमा बस्दै आएका मुकेश पासवानका ५ वर्षीय छोरा धिरज पासवान, ७ वर्षीया छोरी सुन्दरी पासवान र १० वर्षीया छोरी काजल पासवान मिति २०८३ भदौ २८ गते करिब ५ बजेको समयबाट सम्पर्कविहीन भएका हुन्।
गहुँगोरो वर्णका तीनै जना बालबालिकामध्ये ५ वर्षीय धिरजले पहेंलो सर्ट र खैरो जिन्स पाइन्ट लगाएका छन् भने उनका खुट्टामा चप्पल छैन। त्यस्तै ७ वर्षीया सुन्दरी र १० वर्षीया काजल दुवै जनाले सेतो सर्ट, कालो पाइन्ट र कालो चप्पल लगाएका छन्।
तीनजना बालबालिका एकैपटक हराएपछि परिवारजन चिन्तित बनेका छन् भने उनीहरुको खोजीका लागि प्रहरी तथा स्थानीय स्तरमा अपिल गरिएको छ।
यदि कोही-कसैले यी बालबालिकाहरूलाई देख्नुभएमा वा भेट्टाउनुभएमा तुरुन्तै जिल्ला प्रहरी कार्यालय बाराको सम्पर्क नम्बर ९८५५०४८१०१, ९८५५०४५१०१ वा नजिकैको प्रहरी कार्यालयमा जानकारी गराइदिन प्रहरी तथा परिवारले सर्वसाधारणमा हार्दिक अनुरोध गरेका छन्।
