वीरगन्ज,०७ भदौ । जुवातास खेलिरहेको अवस्थामा बारा प्रहरीले १३ जनालाई नगदसहित पक्राउ गरेको छ।

Advertisement

जिल्ला प्रहरी कार्यालय बाराबाट खटिएको प्रहरीको टोलीले विशेष सुचनाको आधारमा महागढीमाई नगरपालिका वडा नं १ बरियारपुर स्थित एकजनाको घरमा छापा मार्दा १३ जना नगदसहित पक्राउ परेका हुन्।

जिल्ला प्रहरी कार्यालय बाराका प्रहरी प्रवक्ता एवम् प्रहरी नायब उपरिक्षक प्रकाश सापकोटाका अनुसार वडा नं १ स्थित मोतिलाल कुशवाहाको घरमा तास खेलिरहेकाहरुलाई १ लाख ७१ हजार २ सय ८० रुपैयाँ सहित रंगेहात पक्राउ गरिएको हो।

पक्राउ परेका १३ जनाको नाम सार्वजनिक गरिएको छैन।