कलैया,२० असोज । बारा प्रहरीले पथलैयामा १ लाख २६ हजार बराबरको कपडा बरामद
ईलाका प्रहरी कार्यालय अमलेखगंज बाराबाट खटिएको प्रहरी टोलीले शुक्रबार जिल्लाको जीतपुर सिमरा उप-महानगरपालिका वडा नम्बर २१ अमलेखगंज चोक स्थितमा पथलैयाबाट काठमाण्डौ तर्फ जादै गरेको ग २ ख ५८६ नम्बरको बसलाई रोकी चेकजाँच गर्ने क्रममा उक्त कपडा बरामद गरिएको हो ।
सो बसमा लोड रहेको लेडिज टप सर्ट र पपकन सर्ट बिल बिजक भन्दा बढि सामानको स्रोत खुलाउन नसकेको अन्दाजी मुल्य रू. १ लाख २६ हजार ५ सय रूपैया बराबरको रहेको प्रहरीले जनाएको छ ।
उक्त कपडालाई नियन्त्रणमा लिई आवश्यक कानुनी प्रकृया अगाडी बढाईएको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक प्रकाश सापकोटाले एक प्रेस विज्ञप्ति जारी गर्दै यस बारे जानकारी दिएका हुन् ।
प्रतिक्रिया लेख्नुहोस्
