कलैया,०६ चैत । बारा प्रहरीले एलईडी टिभी र पैसा चोरी गर्ने एक जनालाई पक्राउ गरेको छ ।
फाल्गुन २९ गते बेलुका जिल्लाको कलैया उप-महानगरपालिका वडा नम्बर ५ घुसुकपुर स्थितमा अविनाश यादवको डेराकोठाबाट रकम र समान चोरी भएको जानकारी पश्चात बारा प्रहरीले अनुसन्धानको गर्दै जाँदा उक्त युवकलाई पक्राउ गरिएको हो ।
पक्राउ पर्नेमा बाराको सिम्रौनगढ नगरपालिका वडा नम्बर ९ बाँसबरीया टोल बस्ने गौरीशंकर प्रसाद साहको छोरा अन्दाजी २१ वर्षीय अनुरुध साह रहेको प्रहरीले जनाएको छ ।
उनको साथबाट.२ लाख ३० हजार रुपैयाँ र अभियान कम्पनीको एलईडी टिभी एक थान बरामद गरिएको छ ।
उनलाई पक्राउ गरी चोरी सम्बन्धी कसुर मुद्दा दर्ता गरी जिल्ला अदालत बारा, कलैयाबाट ७ (सात) दिनको म्याद थप गरी अनुसन्धान कार्य भई रहेको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक बिजयराज पण्डितले जानकारी दिएका छन् ।
