कलैया, १३ चैत । राष्ट्रपति रामचन्द्र पौडेलसमक्ष नवनियुक्त प्रधानमन्त्री बालेन्द्र शाहले पद तथा गोपनीयताको शपथ लिएका छन् ।
बिहीबार राष्ट्रिय स्वतन्त्र पार्टी (रास्वपा) को संसदीय दलको नेतामा चयन भएका शाहलाई राष्ट्रपतिले संविधानको धारा ७६ (१) बमोजिम प्रधानमन्त्रीमा नियुक्त गरेका हुन। राष्ट्रपति कार्यालयमा आयोजित विशेष समारोहमा उपराष्ट्रपति, प्रधानन्यायाधीश र पूर्वप्रधानमन्त्रीहरूको उपस्थिति रहेको थियो।
यसपटकको शपथ ग्रहण समारोह ऐतिहासिक र सांस्कृतिक दृष्टिले फरक देखियो। पहिलोपटक वैदिक–सनातन परम्परा अनुसार १०८ बटुकद्वारा स्वस्ति-वाचन र १०८ बौद्ध भिक्षुहरूबाट मङ्गल पाठका बीच शङ्खनाद गरेर शपथ कार्यक्रम सम्पन्न गरिएको थियो। समारोहमा विभिन्न संवैधानिक निकायका प्रमुख तथा कूटनीतिक नियोगका पदाधिकारीहरूको समेत बाक्लो उपस्थिति रहेको थियो।
प्रतिक्रिया लेख्नुहोस्
