Advertisement
बारा, ०२ वैशाख । नेपाली कांग्रेसका नेता दीपक खड्कालाई सर्वोच्च अदालतले थुनामै राख्न आदेश दिएको छ।
खड्काकी श्रीमती विनिता थापाले दायर गरेको बन्दीप्रत्यक्षीकरण रिटमाथि सुनुवाइ गर्दै न्यायाधीशद्वय तिलप्रसाद श्रेष्ठ र शान्तिसिंह थापाको संयुक्त इजलासले उनलाई थुनामुक्त गर्न अस्वीकार गरेको हो। अदालतको यो आदेशसँगै खड्कालाई तत्काल हिरासतमा राख्ने बाटो खुलेको छ।
प्रहरीले नेता खड्कालाई गत चैत १५ गते पक्राउ गरेको थियो। आफ्नो गिरफ्तारी गैरकानुनी रहेको दाबी गर्दै श्रीमती थापाले सर्वोच्चमा रिट निवेदन पेश गरेकी थिइन्।
तर, अदालतले मिसिल र कानुनी प्रक्रियाको अध्ययनपछि हालको अवस्थामा उनलाई थुनामै राख्ने निर्णयलाई सदर गरेको छ। यस निर्णयसँगै खड्कामाथिको अनुसन्धान प्रक्रिया थप अगाडि बढ्ने देखिएको छ।
प्रतिक्रिया लेख्नुहोस्
