Advertisement
बारा, ०३ भदौ । बारा जिल्लाका एक युवक बिहारको सुगौलीमा गाँजासहित पक्राउ परेका छन्।
जितपुर उपमहानगरपालिका–१ निवासी राजन मुखियालाई भारतीय प्रहरीले ७५० ग्राम गाँजासहित नियन्त्रणमा लिएको हो।
सुगौली थानाका प्रभारी अनिश कुमार सिंहका अनुसार विशेष सुराकीका आधारमा चलाइएको लागुऔषधविरुद्धको अपरेसनका क्रममा मङ्गलबार ती युवकलाई नियन्त्रणमा लिइएको हो।
बरामद गाँजा नियन्त्रणमा लिई प्रहरीले पक्राउ परेका युवकमाथि कानुनी कारबाही र थप अनुसन्धान अगाडि बढाएको छ।
नेपाल र भारतबीचको खुला सीमाको फाइदा उठाउँदै यस्ता अवैध लागुऔषधको ओसारपसार हुनु सीमावर्ती क्षेत्रमा सुरक्षाको ठूलो चुनौती बन्दै गएको छ।
प्रतिक्रिया लेख्नुहोस्
