कलैया, २२ असोज। आईसीसी टी-२० विश्वकप एसिया तथा इस्ट एसिया पेसिफिक छनोटको पहिलो खेलमा नेपालले कुवेतलाई ५८ रनको पराजित गरेको छ । टस हारेर पहिले ब्याटिङको निम्तो पाएको नेपालले २० ओभरमा ७ विकेट गुमाएर १४१ रन बनाएको थियो। १४२ रनको लक्ष्य पछ्याएको कुवेतले १८.१ ओभरमा सबै विकेट गुमाएर ८३ रनमात्र बनाउन सक्यो ।
नेपालका लागी कुशल भुर्तेलले सर्वाधिक ६६ रन बनाएका हुन । उनले ५६ बलमा तीन चौका र तीन छक्का प्रहार गरे । यस्तै, आक्रामक ब्याटिङ गर्दै गुल्सन झाले ६ बलमा २० रन बनाए । उनले यसक्रममा तीन छक्का प्रहार गरेका हुन ।
बलिङ तर्फ नेपालका सन्दीप लामिछाने, ललितनारायण राजवंशी र कप्तान रोहितकुमार पौडेलले समान दुई विकेट लिएका हुन । यस्तै कुशल भुर्तेल, सोमपाल कामी र नन्दन यादवले एक-एक विकेट लिएका हुन ।