बारा, १६ वैशाख । आईसीसी विश्वकप लिग–२ अन्तर्गत आजको खेलमा ओमानले नेपालसामु ३०६ रनको लक्ष्य प्रस्तुत गरेको छ।
कीर्तिपुरस्थित टीयू क्रिकेट मैदानमा जारी खेलमा टस जितेर पहिले ब्याटिङ रोजेको ओमानले निर्धारित ५० ओभरमा ८ विकेट गुमाउँदै ३०५ रनको बलियो योगफल तयार पार्यो।
ओमानका लागि कप्तान जतिन्दर सिंहले विष्फोटक ब्याटिङ गर्दै १३० रनको शतकीय इनिङ्स खेले। उनले मात्र ७३ बलमा शतक पूरा गरेका थिए ।
आजको खेलका लागि नेपालले टोलीमा एक परिवर्तन गरेको छ। स्पिनर ललित राजवंशीको स्थानमा अलराउन्डर गुल्सन झालाई प्लेइङ ११ मा समावेश गरिएको छ।
प्रतिक्रिया लेख्नुहोस्
