गर्मीका कारण वीरगञ्जका विद्यालय दुई दिन बन्द हुने

कलैया, २८ जेठ। वीरगञ्जका सबै विद्यालय दुई दिन बन्द हुने भएको छ।

अत्यधिक गर्मीका कारण बालबालिकाको स्वास्थ्यमा प्रतिकूल असर पर्न सक्ने भन्दै वीरगञ्ज महानगरपालिकाले सम्पूर्ण सामुदायिक तथा संस्थागत विद्यालयहरू भोलि जेठ २९ र जेठ ३० गते दुई दिनका लागि बन्द गर्ने निर्णय गरेको हो ।

महानगरपालिकाले आज एक सुचना जारी गर्दै सो जानकारी दिएको हो । बारा, पर्सा लगायत तराई क्षेत्रमा तापक्रम अत्यधिक बढेको छ।