कलैया, २६ असार। वीरगञ्जमा स्विमिङ पुलमा डुबेर एक जनाको मृत्यु भएको छ । मृत्यु हुनेमा वीरगञ्ज महानगरपालिका वडा नम्बर ११ रानीघाट निवासी ९ वर्षीय बालक बजरंगी रौनियार रहेको प्रहरीले जनाएको छ।

Advertisement

वीरगञ्ज महानगरपालिका वडा नम्बर १० स्थित होटल दियालोको स्विमिङ पुलमा डुबेर रौनियारको मृत्यु भएको हो। पौडी खेल्ने क्रममा डुबेर अशक्त भएका उनलाई नारायणी अस्पतालमा लगिएको थियो। उनको उपचारको क्रममा बुधबार राति मृत्यु भएको प्रहरीले जनाएको छ ।

प्रहरीका अनुसार घटना बारे थप अनुसन्धान भैरहेको छ।