कलैया,२३ कात्तिक । बाराका १६ वटै स्थानीय तहमा जेनजी समुह गठन गर्ने अभियान सुरु भएको छ। बाराको कलैयास्थित बारा उधोग बाणिज्य संघको सभाहलमा शनिबार जेनजी र युथ अफ बाराले पत्रकार सम्मेलन गरी आफनो अगामी रणनिती बारे जानकारी गराएको हो ।
पत्रकार सम्मेलनमा बोल्दै जेनजीका बारा संयोजक स्वराज उपाध्यायले अगामी कार्तिक २९ गतेसम्म जिल्लाका १६ वटै पालिकामा जेनजी समुह गठन गरिने तथा मंसिर ६ गते जिल्ला भेला गरिने जानकारी गराएका हुन । उनले जेनजी युवालाई एक जुट हुन आग्रह गरे । उनले गाउँ गाउँ र टोल टोलमा पुगेर भ्रष्टाचार बिरुद्ध अभियान समेत सञ्चालन गरिने बताए ।
उनले जेनजी युवा देश बनाउने काममा लाग्ने समेत जनाए । उक्त पत्रकार सम्मेलनमा बोल्दै शौरभ पाण्डेयले जेनजी पुस्ताले सबैले गर्व गर्ने कार्य गर्ने बताए । उनले गलत कार्य गर्नेलाई कारवाही गर्नुपर्नेमा जोड दिए । राम्रो काम गर्नेलाई जेनजी पुस्ताले सहयोग गर्ने समेत बताए ।
पत्रकार सम्मेलनमा बोल्दै युवा अभियान्ता शौरभ चौगाईले स्वतन्त्र व्यक्तिलाई मात्र जेनजी समुहमा सहभागिता गराउने बताए । उनले शिक्षा , स्वास्थय क्षेत्रमा देखिएको कमी कमजोरीलाई सुधार गरिने , भ्रष्टाचार बिरुद्ध लडने समेत बताए ।
उक्त अवसरमा आर्दशकोतवाल गाउँपालिकाका प्रदिप कुशवाहा , सुवर्ण गाउँपालिकाका अजय यादवले आफनो पालिकामा रहेको बेथिती बारे जानकारी गराएका थिए ।
